वीरेन्द्रनगर नगरपालिका ४ नम्वर वडा कार्यालयको आयोजनामा टोल विकास सस्थाका पदाधिकारीहरुको क्षमता विकास गर्ने उद्देश्यले २ दिने क्षमता विकास तालिमको आयोजना गरिएको छ ।
वडा कार्यालयको वार्षिक स्वीकृत कार्यक्रम अनुसार वडा भित्र रहेका २० वटै टोल विकास सस्थाका प्रतिनिधिहरुको उपस्थितिमा सो कार्यक्रम संचालन गरिएको हो ।
२ दिन सम्म सन्चालन हुने उक्त तालिम लेखा र उद्घोषण कलामा केन्द्रित हुने वडा सचिव प्रविन्ता कुमारी बस्नेतले जानकारी दिइन् । टोल विकास सस्था संचालनका लागि लेखा व्यवस्थापन गर्न निकै गाह्रो भइरहेको र सामान्य गतिविधिहरु गर्नका लागि समस्या भइरहेकाले सो समस्या निराकरण गर्नका लागि वडा कार्यालयसङ्ग वडा भित्र रहेका २० वटै टोल विकास सस्थाहरुले माग गरेकाले यस कार्यक्रमलाई प्राथमिकता दिएर सन्चालन गरिएको वडा अध्यक्ष शेर बहादुर केसीले जानकारी दिए । उद्घोषण सम्बन्धी तालिमको सहजीकरण माया थापाले गरेकी थिइन् भने लेखा व्यवस्थापनको सहजीकरण ज्योति केसी र विनोद कंडेल गरेका थिए ।
कृषि रैबार । १० फाल्गुन २०८१, शनिबार