महिला किसान संघ नेपाल कर्णाली प्रदेशको प्रथम सम्मेलन सुर्खेतको वीरेन्द्रनगरमा सम्पन्न भएको छ ।
अखिल नेपाल किसान महासङ्घ प्रदेश कमिटी का. बा. अध्यक्ष क. सरिता ओलिको अध्यक्षतामा सम्पन्न भएको उक्त सम्मेलनमा नेकपा एमाले स्थायी कमिटी सदस्य एवं प्रदेश इन्चार्ज क. गोरख बहादुर बोगटी ज्युको प्रमुख आतिथ्यता रहेको थियो भने नेकपा एमाले केन्द्रिय कमिटी सदस्य अखिल नेपाल किसान महासंघ उप-महासचिव एवं महिला किसान संघ का केन्द्रिय अध्यक्ष क.सरिता भुसालको विशेष आतिथ्यता, नेकपा एमाले कर्णाली प्रदेश कमिटी अध्यक्ष गुलावजङ्ग शाह, महासंघ उपमहासचिव क. प्रेम नारायण अधिकारी, महासंघ केन्द्रिय सचीव उमेश गुप्ता, महासंघ स्थायी कमिटी सदस्य क. कल बहादुर हमाल, महासंघ केन्द्रिय सदस्य एवं महिला किसान संघ कर्णाली प्रदेश इन्चार्ज क. दुर्गा सिंह लगाएतको आतिथ्यता र महिला प्रतिनिधिको सहभागीता रहेको थियो ।
अखिल नेपाल किसान महासंघको महिला किसान संघको प्रथम कर्णाली प्रदेश कमिटिको अधिवेशनको उद्घाटन शत्रलाई संवोधन गर्दै एमाले इन्चार्ज बोगटीले कर्णालीमा जनसंगठनमा महिला सबैभन्दा अघि भएको बताए ।
महिला नेताहरुले आफ्ना घरका सबै कामहरुको व्यवस्थापन गरेर दुर्गम जिल्लाहरुमा समेत केन्द्रका, प्रदेशका महिला नेताहरु परिचालन भएको तलतलसम्म कमिटि गठन गर्न जाने गरेको बताए ।
जनवर्गिय संगठनहरुमा सबैभन्दा क्रियासिल महिला संघ भएको अवस्थामा आज गठन हुने महिला किसान संघको नयाँ नेतृत्वले समेत आफूलाई त्यसरी परिचालन गर्ने काममा लाग्ने विश्वास व्यक्त गरे ।
विशेष सम्बोधनका क्रममा कृषक महिलाहरु हरेक हिसावले पछाडी पारिएकाले आफ्नो अधिकार प्राप्ति र नीति नेतृत्व तहमा पुग्नका निम्ति साङ्गठनिक भएर अघि बढ्नु पर्ने बाध्यता रहेको नेकपा एमाले केन्द्रिय कमिटी सदस्य अखिल नेपाल किसान महासंघ उप-महासचिव एवं महिला किसान संघ का केन्द्रिय अध्यक्ष क.सरिता भुसालको धारणा रहेको थियो ।
त्यस्तै अखिल नेपाल किसान महासंघ केन्द्रिय सचीव उमेश गुप्ताले अधिकार कसैले दया गरेर नदिने भएकाले प्राप्तिका निम्ति सशक्त भएर एकजुट हुन कर्णाली प्रदेशका कृषक महिलाहरुलाई विषेश अनुरोध गरे ।
सम्मेलनबाट सन्ध्या परियार (सुर्खेत)को अध्यक्षतामा महिला किसान सङ्घ, कर्णाली प्रदेशको २१ सदस्यीय कमिटी गठन गरिएको छ । कमिटिको उपाध्यक्षमा जुवारा बम (कालिकोट) र कमला शाही (जाजरकोट), सचिव – यम कुमारी पराजुली (दैलेख), उपसचीव – नैनसरा शर्मा (सुर्खेत) र तारा शाही (दैलेख), कोषाध्यक्ष – रमा गिरि (जाजरकोट) रहेका छन् । त्यस्तै सदस्यहरु दुर्गा खड्का, तारा भण्डारी, सरस्वती आचार्य, रत्ना सलामी, रिता शर्मा, तुल्सी शाही, गंगा पोखरेल, पबित्रा शाही, ललिता शाही लगायत रहेका किसान महासङ्घ प्रदेश कमिटी सचिव गगन शाहीले जानकारी दिए ।
कृषि रैबार । ८ फाल्गुन २०८१, बिहीबार