कृषि रैवार सम्बाददाता, सुर्खेत ।
नेकपा एमाले, कर्णाली प्रदेश अधिवेशनको जानकारी दिने उद्देश्यले पत्रकार सम्मेलन सम्पन्न भएको छ । अधिबेशन तयारीका सन्दर्भमा एमाले प्रदेश अध्यक्ष विनोदकुमार शाहले अधिवेशनको सम्पुर्ण तयारी पूरा भएको जानकारी दिएका छन् ।
त्यस्तै महाधिवेशनका लागि आश्विन १० गते बुधबार दिउँसो १ बजे पार्टी अध्यक्ष केपी शर्मा ओलीले अधिवेशन उद्घाटन गर्ने र उक्त कर्णाली प्रदेश अधिवेशनमा ओली सहित महासचिव शंकर पोखरेल, प्रदेश इन्चार्ज लेखराज भट्टले सम्बोधन गर्ने तय भएको छ । प्रदेश कमिटी अध्यक्ष विनोद कुमार शाहले अधिवेशनलाई एउटा अवसरको रुपमा लिएको र तयारीका लागि एमाले प्रदेश तहको सम्पूर्ण शक्ति लागिरहेको बताए । प्रतिनिधि छनौट देखि कार्यक्रम हुने स्थान सहितको व्यवस्थापन सकिएको बताए । उनले अब बन्ने प्रदेश कमिटीको नयाँ नेतृत्व सर्वसहमतिले चयन हुने गरि कार्य भएरहेको जानकारी दिए ।
कृषि रैबार । ९ आश्विन २०८०, मंगलवार