विनोद कंडेल
सुर्खेतको वीरेन्द्रनगरमा दोस्रो खुला ब्याडमिन्टन प्रतियोगिता २०८० सुरु भएको छ। वीरेन्द्रनगर नगरपालिका, ४ नम्वर वडा कार्यालयको आर्थिक सहयोग, पिपलबोट साकोसको सह-आयोजना तथा वीरेन्द्रनगर नगरपालिका वडा नम्वर ४ मा रहेको नमुना युवा क्लबको मुख्य आयोजनामा उक्त प्रतियोगिताको आयोजना गरिएको हो ।
क्लबका अध्यक्ष गणेशमान खनालको अध्यक्षतामा तथा कर्णाली प्रदेशसभा सदस्य यामलाल कडेलको प्रमुख आतिथ्यतामा उद्घाटन गरिएको उक्त कार्यक्रममा वीरेन्द्रनगर नगरपालिकाका उपप्रमुख निलकण्ठ खनाल, ४ नम्वर वडा कार्यालयका वडा अध्यक्ष शेर बहादुर केसी, पत्रकार महासङ्घ सुर्खेत शाखाका ललित बसेल, खेलकुद विकास कार्यालयबाट नन्दा वस्याल, विभिन्न सहकारी, बन समिती, विद्यालय लगायत संघ-सस्थाका प्रमुख एवम प्रतिनिधिहरुको आतिथ्यता रहेको थियो ।
कर्णाली प्रदेश , सुदुर पश्चिम प्रदेश र लुम्बिनी प्रदेशका विभिन्न जिल्लाका गरि कुल ३२ टिम सहभागी रहेका छ्न भने आज उद्घाटन गरिएको प्रतियोगिता बैशाख ११ समापन गर्ने गरि क्लबद्वारा खेल तालिका सार्वजनिक गरिएको क्लवका अध्यक्ष गणेशमान खनालले जानकारी दिए ।
कृषि रैबार । ९ बैशाख २०८०, शनिबार